ياليت ياشباب تقرون الموضوع كامل للنهاية ….. قبل بقول السرعة مهمة بس أهميتها %10
أسباب ثانيه مهمة جدا وقت تكون سليمة .. راح اشتغل على انترنت سريع
جدا ... على فكرة شباب أنا أتكلم على الاتصال بسلك التلفون
اوكي ابدأ بذكر الأسباب والتعليق على كل سبب ...
1- سلك التلفون .
تتأكد من سلامه سلك التلفون .. من الخدوش أو أي قطع مهما كان صغير
ويمكن لو تلاحظون بعض الأحيان وقت تتكلم بالتلفون الثابت يكون فيه
أصوات (( مدري ايش اسمها أتوقع اقرب وصف (( خرفشه )) ))
هذي الحاجة دليل على سلك التلفون يكون غير سليم بالاضافه إلى توصيلات
سلك التلفون يكون موصل بأكثر من جزء .. والأفضل يكون السلك جاي من
كبينه البيت على المودم على طول ..وراح يكون الوضع هيك
2-التلفون ..
برضه شباب ممكن يكون في البيت أكثر من تلفون لنفس الخط .... بحيث
انه ينفتحون على بعض .. المودم والخط الثاني ويمكن لو تلاحظون ..
وقت شابك النت وتفتح الخط الثاني اللي متصل ... راح تسمع أصوات
وقتها على طول النت راح يوقف استقبال البطيزلات ..ولو كنت تحادث احد
أو تحمل ملف داونلود ... معناه راح ينفصل .. لو طول الوضع ..
فالحل..تكون قبل تدخل النت تفصل
الخط الثاني عشان مااحد يتلقف ويرفع الخط الثاني << حلوة يتلقف
3-فايروسات وباتشات ..أكثر المسببات لمشاكل الجهاز والانترنت والأخطاء ..وأكثر شي ..
توثر على ملفات إل system 32 .. وبعض الفيروسات تقوم بحذف
ملفات النظام وتدمرها تلقائي .. وتأثر على الجهاز والانترنت ..
وهي السبب الرئيسي في ظهور رسائل العمليات الغير شرعيه
نقص ملفات النظام dll ....
الحل ماتستقبل أي ملف من الانترنت او من الايميل إلا من شخص واثق فيه
ثقة كبيره .. لأنه مو كل فيروس أو باتش يكون exe ياحلو ..
مليان النت فيروسات swf و jpg و gif ...وأيضا html
وأيضا من الحلول تركب مضاد فيروسات مثل الانتي فايروس ..2003 بشرط
يكون كامل .وليس ديمو ..
4- الرام (( الذاكرة العشوايه ))أكثر المواقع وقت ماتفتح تحتاج ذاكره عشوائه (( RAM )) .. كبيره عشان
سرعه نشر وإنزال ملفات الموقع بسرعة وبحريه ..عشان يفتح الموقع بسرعة
فالأحسن يكون لديك رام كبيره ..وذات سرعه كبيره بالبوست
يعني الجهاز اللي يكون شبه Top يكون على الأقل الرام 512 ميجا بايت
واحد صاحبي حاط رام 1024 ميجا ولا يدخل نت إلا بالأسبوع مرة <--
فاااا مهمة موضوع الرام كثير .. بعض الأجهزة تكون الرام 60 ميجا
5- اشتراك الانترنت..لابد يكون اشتراك الانترنت لديك يكون نشيط وسريع ..وهذا راجع للشركة
اللي تختارها ..مايكون عليها ضغط .. بقولكم قصه حلوة
مرة أخذت اشتراك . اوكي الحمد لله 20 ساعة بس ..ماكثرت ماراح أقولكم
وش الشركة لايزنطوني ... المهم فكيت الاشتراك ..أنواع الكلمات السرية ومدري
تعقيد قلت حلو أكيد شركه سريعة .. شبكت الخط بعدين طوط طوط طوط
مشغول .. مرة ثانيه .... نفس الشي .. 3 و 4 و5 و6 والمرة السابعة شبك الخط
ايوة وادخل انترنت .. كأنه انترنت زمان ابيض واسود ..بطييييييي
مرة مرة ... ويعلق كثير .. بعدين أنا صرت هيك ..
دقيت على الـ support ... اسألهم عن المشكلة يرد على الموظف وكأني مأخذها
مجاني .. يقول وبأعلى صوت ..ياخي علينا ضغط استحمل ..
<<---
ههههههه ضحكت في وجهه .. يعني وش يبغاني أقوله صدمني صراحة
عموما قلت له الكلام معك ميئوس منه .. وقفلت الخط ... يعني الشركة ممكن
زي مايقول زحمه ..بس هم المسوولين .. مو أنا .. عشان كذا أنا اشترك اشتراك
ماغيرته من 6 شهور ماشاء الله كذا
ماني قايل لكم ايش الاشتراك عشان مايصير دعاية ..
عموما شباب للتأكد من الاشتراك مو معلق من الصورة هذي ..
وتتأكد أن البطيزلات المستقبلة والمرسلة .. تتحرك ولو وقفت معانته ..
معلق ..
6- برامج الكمبيوتر .الحقيقة تمر على أجهزة .. كأنها موسوعة برامج .. الشخص حاط الف برنامج
ولا يستخدم إلا واحد .. وياليتها أي برامج .. ثري دي ماطيز ... فوتوشوب
دريم ويفر .. مايا ... كلهم أحجامها كبيره مررررررة .. تأخذ حيز من ألذكراه
والهاردسك ... وهذي مشكله كبيره صراحة ..
فالحل تحذف أي برنامج منت في حاجته
عشان يتغير الوضع ..
7- المروحة ..ممكن تكون احد مراوح الجهاز .. معطله وهذي مشكله كبيييييييره
تسبب ارتفاع حرارة المعالج ...وتهنيق الجهاز والنت .. وممكن ينقص
عمر المعالج لو تشتغل عليه لساعات طويلة ..
الحل .. تتأكد كل فتره من المراوح .. للجهاز تكون شغالة .
أتمنى أني أكون ... وفقت في إيصال المعلومة لكم
اخوكوم مـــيدو
موضوع: الاسباب التي تجعل النت بطي عندك 
الثلاثاء 25 نوفمبر - 20:15
